Në një kohë që protesta paqësore e studentëve ka hyrë në ditën e 15-të dhe kreu i qeverisjes, që është refuzuar deri më tani nga studentët për dialog, ka nisur të vizitojë disa universitete për të biseduar me të rinjtë për llogaridhënie, në publik janë ngritur disa pyetje që kërkojnë përgjigje për të ashtuquajturën transparencë financiare në menaxhimin e universiteteve.
Në profilin e tij në Facebook, Akademik Artan Fuga, i cili ka shprehur përgjatë gjithë këtyre ditëve masat emergjente që duhet të ndërmerren për të “shpëtuar” dhe rimodeluar universitetin në Shqipëri, ka ngritur shqetësime konkrete përmes disa pyetjeve publike, duke kërkuar transparencë financiare nga institucionet përgjegjëse: Ministria e Ekonomisë, Bordet financiare, Komisionit parlamentar të ekonomisë, Drejtuesve të universiteteve, Bashkisë Tiranë, Departamentit të ekonomisë pranë partive opozitare.
Nje nder shqetesimet e akademikut, i cili ka kerkuar verifikimin e informacionit, eshte pagesa e kryer nga Universiteti i Tiranes, per projektit e Kampusit Universitar, i cili edhe pse u perfol shume kohe me pare, ende nuk eshte ngritur. Sipas profesiorit nuk dihet se kush ka paguar, sa ka paguar dhe kush eshte paguar.
Profesor Fuga ka kerkuar transparence nga Bashkia e Tiranes ne lidhje me terrenet sportive te cilat jane shenderruar ne parkingje private, ndersa ngre pyetjen nese ky institucion ka marre apo jo ne administrim konviktet dhe kush ia ka dhene kete kompetence.
Gjithashtu akademiku i njohur thekson se perse provimi i gjuheve te huaja ne shtet nuk njihet, por studentet duhet te japin provime prane agjencive private. Ne kete shqetesim publik, kerkohen dhe arsyet se perse ekzistojne agjencite shteteore te akreditimit ne nje kohe qe akreditimin e universiteteve e ka bere nje agjenci private. Ne te njejtin shkrim te akademikut ngrihet dhe shqetesimi i mungeses se Bibliotekave dhe librave ne universitete por dhe demin financiar per mbylljen e shkolles doktorale.
Ky eshte komenti i plote i Akademik Artan Fuges:
A ka ministër ekonomie ky vend apo jo?
A ka komision parlamentar ekonomie?
A ka borde financiare?
A ka departament ekonomie opozita?
——————————–
Kërkoj prej muajsh transparencë dhe nuk e gjej!E dinë miqtë e mi senatorë në Universitetin e Tiranës.
A mund të më ndihmojë njeri?
Ndonjë deputet, ndonjë ministër, ndonjë gazetar, a ndonjë kryetar partie opozitare?
Kam dëgjuar se :
1. Për kampusin universitar që gjoja do të ngrihej në Tiranë, dhe që për mua nuk duhet kurrë të ngrihet në formën e një korpusi gjigandoman që fsheh abuzime, më thonë se Universiteti i Tiranës paska paguar për projektimin shuma marramendëse. Ndërkaq që ka vite që as bëhet fjalë për kampus!
Eshtë e vërtetë dhe sa ka qenë kjo shumë dhe kush e ka marrë këtë vendim, dhe kujt i është paguar e përse parapaguar?
Eshtë e vërtetë apo jo? Do të doja mos ishte se poqese është atëhere ka rënë tërmet.
2. Terrenet sportive të Universitetit të Tiranës i ka marrë Bashkia e Tiranës dhe i ka nxjerrë krejtësisht nga funksioni që kanë pasur.
Eshtë e vërtetë? Kush e ka dhënë atë urdhër, kush e ka pranuar këtë gjë, kush i merr paratë nga përdorimi i atyre terreneve sportive jo për funksionin e tyre por për parkingje a ku e di unë se cfarë tjetër?
3. Thonë që megjithëse kemi një agjenci akreditimi që e paguajnë familjet e studentëve sa frëngu pulën, erdhi një agjenci angleze, e lodhur dhe e plakur, që na e bëri si deshi! Ndonëse zotërinjtë shumë të lodhur nuk dinin asnjë fjalë shqip!
Thonë që nga xhepat e studentëve fluturuan të tjera miliona e dhjetra miliona!
Mund ta dimë sa u pagua, kush i pagoi, dhe kush e vuri cmimin e këtij shërbimi që po na rezulton një fiasko e plotë!
4. Thonë që konviktet i ka marrë në administrim a pronësi Bashkia Tiranë. A ka ndokush ndonjë ide sesa janë fitiumet që merren nga dhënia me qira e dhomave dhe se çfarë do Bashkia Tiranë që u bie në qafë universiteteve duke u marrë shërbimeve universitare një burim të ardhurash?
Di njeri përsa më sipër?
5. Studentët kanë në programet universitare gjuhë të huaj. Megjithatë në nivel masteri më thuhet se atyre u kërkohet të japin provime në agjenci private.
Di njeri kush e ka marrë këtë urdhër? Përse nuk njihet diplioma universitare me provimin përkatës?
Sa parà kanë qarkulluar në vit dhe kush i merr këto para?
6. Ka vite që shkollat doktorale nuk funksionojnë?
A ka ndokush një informacion sa është fitimi i munguar i universiteteve publike nga kjo mbyllje dhe ky mosfunksionim?Kush e mban përgjegjësinë për këtë fitim të munguar që duhet të ketë arritur qindra milionë lekë në vit?
7. Bibliotekë për studentët nuk ka.
A mundet dikush të llogarisi sesa lekë shkojnë në xhepat e privatëve që komandojnë ministren e kulturës direkt nga xhepat e studentëve për të blerë libra që duhen si buka e uji, por që nuk gjenden në biblioteka?
Sa lekë në vit, sa miliarda shkojnë në xhepat e privatëve për shërbim të universiteteve publike?
A ka ministër të ekonomisë ky vend apo jo?
A ka borde ky vend apo jo?
Pse na tregojnë llogje në vend të llogarive?
