276
8280
Ligji nr.97/2013 “Për Mediat Audiovizive në Republikën e Shqipërisë” në nenin 45/4 sanksionon që “lajmet dhe programet informative që lidhen me politikën nuk mund të sponsorizohen”.
Akti nënligjor “Kodi i Trasmetimit për Median Audiovizive”, i miratuar me vendimin nr.288, dt. 11.12.2017 nga AMA, në seksionin 4, parashikon si parim themelor që “veprimtaria informative audiovizive, pavarësisht nga operatori i shërbimit mediatik audioviziv që e ushtron, përbën në të gjitha rastet një shërbim me interes të përgjithshëm publik...”
Akti nënligjor “Kodi i Trasmetimit për Median Audiovizive”, i miratuar me vendimin nr.288, dt. 11.12.2017 nga AMA, në seksionin 4.15, parashikon që “informacioni i transmetuar nuk duhet të përdoret për përfitime personale dhe përfitime të tjera të drejtpërdrejta, nga ana e pronarëve të mediave audio dhe ose/audiovizive, drejtuesve të tyre dhe gazetarëve.
Akti nënligjor “Kodi i Trasmetimit për Median Audiovizive”, i miratuar me vendimin nr.288, dt. 11.12.2017 nga AMA, në seksionin 4.16, parashikon që “OSHMA-të, për të shmangur promovimin e padrejtë, gjatë transmetimit të komunikimeve me natyrë tregtare për mallrat, duhet të respektojnë parimin e propocionalitetit dhe mosdiskriminimit duke mos favorizuar shoqëri të veçanta tregtare ose subjekte tregtarë të lidhura direkt apo indirekt me ortakët apo aksionarët e shoqërive audio dhe/ose audiovizive.
Top Channel është televizion me licencë private kombëtare. Ky ekran është themeluar më 21 mars 2001 nga biznesmeni Dritan Hoxha, por nisi transmetimet më 20 dhjetor të po atij viti. Televizioni mori licencë kombëtare në transmetimet analoge në vitin 2008, ndërsa tetë vjet më vonë atë për transmetimet dixhitale.
TV Klan është televizion me licencë kombëtare i themeluar nga Aleksandër Frangaj, Julian Roche dhe Marsel Skendo më 12 shkurt 1997. Klan ishte një nga dy televizionet e parë që mori licencë kombëtare në transmetimet analoge në vitin 2001, ndërsa më 2016 mori licencën kombëtare në transmetimet dixhitale.
Vizion Plus është televizion privat me licencë kombëtare. Ai është themeluar më 3 shkurt 2000 nga Artan e Genci Dulaku dhe Agim Buxheli. Televizioni mori licencë satelitore-kombëtare për transmetimet analoge në vitin 2008, ndërsa më 2016 ishte operatori i katërt që fitoi licencë kombëtare në transmetimet dixhitale.
